A ORQUESTRA. O buque insignia nace en 2020. Fixo a súa estrea absoluta na actuación dentro do Festival Plataforma en Santiago de Compostela. Este concerto foi composto integramente en tempo real, estivo interpretado por 16 músicos, e constitúe tamén o seu debut discográfico. “Orquestra Galega de Liberación”.
No ano 2021 continúa a súa senda e entre outras actuacións, gravan o seu segundo album tamén ao vivo, nesta ocasión no Festival Jazz de Ría. “Na Loita”. A Orquestra Galega de Liberación é finalista nos anos 2023 e 2024 como mellor proxecto de Jazz e Música Improvisadas nos Premios Martín Códax da Música.
A ORQUESTRA mantén o seu carácter aberto, permeable e mutante, facendo de cada acción un acontecemento único, convidando a novos artistas e espallando a Liberación.
